टिप्पर चालकको मुत्यु

गोरखा ।  सिरानचोक गाउँपालिका–२ थालाजुङमा आज टिप्पर दुर्घटना हुँदा एक जनाको मुत्यु भएको छ । सामान अनलोड गर्ने क्रममा अनियन्त्रित भएर दुर्घटना हुँदा ना१क ६४७७ नंका टिप्पर चालक हेटौंडा उपमहानगरपालिका–१२ नेवार बस्ती घर भएका ३२ वर्षीय चालक वीरबहादुर स्याङत्याङको घटनास्थलमा नै मुत्यु भएको हो।

जिल्ला प्रहरी कार्यालयका प्रहरी नायब उपरीक्षक महेन्द्र नेपालका अनुसार टिप्पर अनियन्त्रित भएपछि झ्यालबाट हाम्फालेर भाग्न खोज्दा सोही गाडीमा ठोक्किएर स्याङत्याङको मुत्यु भएको छ ।