पिकप भ्यानमा ठोकिँदा स्कुटर चालकको मृत्यु

काठमाडौँ । काठमाडौँको तिलिङ्गाटारमा पिकप भ्यानमा ठोकिएर स्कुटर चालकको मृत्यु भएको छ ।रामेछाप घर भई हाल बसुन्धरा बस्ने १७ वर्षीय अनिल श्रेष्ठको आज बिहान बसुन्धराबाट गोँगबुतर्फ जाँदै गरेको बा ९७ प ७८३७ नम्बरको स्कुटर बा १४ च ६८४८ नम्बरको पिकअप भ्यानमा ठोकिएर मृत्यु भएको हो ।

दुर्घटनामा घाइते भएका श्रेष्ठको उपचारका क्रममा त्रिभुवन शिक्षण अस्पताल महाराजगञ्जमा मृत्यु भएको महानगरीय ट्राफिक प्रहरी महाशाखाका प्रमुख एवं प्रहरी वरिष्ठ उपरीक्षक वसन्त पन्तले जानकारी दिएका छन् । स्कुटरको पछाडि सवार श्रेष्ठकी आमा भगवती श्रेष्ठ घाइते भएकि छन् । पिकअप भ्यान र चालकलाई प्रहरीले नियन्त्रणमा लिएको छ ।