‘म भगवानसँग प्रार्थना गर्छु कि नेयमार बार्सिलोना फर्किउन्’

काठमाडौँ, ११ पुस । बार्सिलोनाका स्टार खेलाडी आर्थरले नेयमार बार्सिलोना आउन् भनेर भगवानसँग प्रार्थना गरेको बताएका छन् ।बार्सिलोनाबाट २२२ मिलियन युरोमा पिएसजी गएका नेयमार पुन बार्सिलोना फर्कन खाजेको हल्ला व्यापक चल्न थालेको छ ।

यस्तैमा ब्राजिलियन मिडफिल्डर आर्थरले उनको बार्सिलोना पुनरागमन होस् भनेर प्रार्थना गरेका हुन् ।मिडिया रिपोर्टका अनुसार उनी पिएसजीमा खुसी छैनन् । रियल मड्रिडले उनलाई अनुबन्ध गर्न खोजिरहेको समेत बताइएको छ ।

ब्राजिलियन सहपाटी आर्थरले जो यसै सिजन ४० मिलियन युरोमा बार्सिलोना आएका थिए उनले नेयमारसँग खेल्न चाहेको बताएका छन् । उनले भनेका छन्, ‘म व्यक्तिगत रुपमा भगवानसँग प्रार्थना गर्छु कि नेयमार बार्सिलोना फर्कुन् ।’नेयमार यस सिजन पिएसजीमा उच्च लयमा रहेका छन् । उनले १८ खेलमा १६ गोल गरेका छन् ।