आज काठमाडौँ उपत्यकाको न्यूनतम तापक्रम दुई डिग्री

काठमाडौँ, ११ पुस । जल तथा मौसम पूर्वानुमान महाशाखाले जनाए अनुसार आज काठमाडौँ उपत्यकाको तापक्रम दुई डिग्रीमा झरेको छ ।

मंगलबार पनि तापक्रम दुई डिग्रीमा झरेको थियो । काठमाडौँको न्यूनतम तापक्रम आज पनि २ डिग्री सेल्सियस नै मापन गरिएको जल तथा मौसम पूर्वानुमान महाशाखाले जानकारी दिएको छ।

जल तथा मौसम पूर्वानुमान महाशाखाले उच्च पहाडी भूभागमा हल्का हिमपातको सम्भावना रहेको जनाएको छ ।अधिकतम तापक्रम १८ देखि २० डिग्री सेल्सियसको रहने अनुमान गरिएको छ ।