शहीद स्मारक ‘ए’ डिभिजन लिगः संकटालाई पराजित गर्दै उपाधि जित्ने दाउमा मनाङ

काठमाडौँ, १२ पुस । उपाधि नजिक रहेको मनाङलाई आज जित्नै पर्ने दबाब रहेको छ । देशकै प्रतिष्ठित क्लबका रुपमा परिचीत मनाङ नयाँ इतिहास रच्ने दाउमा रहेको छ । घरेलु लिगको उपाधि जित्न उसलाई अब एक जितमात्र आवश्यक छ ।

शहीद स्मारक ‘ए’ डिभिजन लिग फुटबल प्रतियोगिताअन्तर्गत एघारौ खेलमा आज संकटा क्लबलाई पराजित गर्ने दाउमा मनाङ रहेको छ । आठौ पटक उपाधिमा कब्जा गर्ने रणनीतिमा रहेको मनाङ यस सिजन उच्च फर्ममा रहेको छ ।

त्यस्तै अन्य ठुला क्लबहरुलाई पनि प्रतिष्ठा जोगाइराख्न पनि आफ्नो पक्षमा नतिजा पार्नु आवश्यक देखिएको छ ।आजको खेलमा संकटाले मनाङलाई स्तब्ध बनाउने सके यो रोमाञ्चकता अन्तिम खेलसम्म जानेछ । मनाङ १० खेलबाट ३० अंक सहित शीर्ष स्थानमा छ । दोस्रो स्थानको संकटाको २५ अंक छ ।