रामबहादुरको आश्रममा आज पनि छानबिन

सिन्धुपाल्चोक, २१ पुस । तपस्विका रुपमा चिनिएका रामबहादुर बम्जनको सिन्धुपाल्चोकको बाढेगाउँस्थित आश्रममा प्रहरीले आज पनि खानतलासी गर्नेभएको छ । शुक्रबारदेखि सुरु भएको खानतलासी आज पनि जारी रहने जिल्ला प्रहरी कार्यलय सिन्धुपाल्चोकका प्रमुख मुकुन्द मरासिनीले जानकारी दिए ।

आश्रमबाट मकवानपुरका दुईजना हराएको निवेदन परेपछि मकवानपुर प्रहरीले सिन्धुपाल्चोकको प्रहरी कार्यलयसँगको सहकार्यमा खानतलासी सुरु गरेको हो । अनुसन्धान टोलीले शुक्रबार आश्रम प्रवेश गरी सोधपुछ र आवश्यक अनुसन्धान गरेको थियो । मकवानपुरका सन्चलाल वाइबा र फूलमाया रुम्बा सिन्धुपाल्चोकको आश्रमबाट हराएको निवेदन प्रहरीमा परेको छ ।