फ्राबिगासले चेल्सीलाई गरे ‘बाइबाइ’

एजेन्सी, २२ पुस । साढे चार वर्ष चेल्सी क्लबमा बिताएका मिडफिल्डर सेस फाब्रिगासले अन्तत चेल्सीका लागि अन्तिम खेल खेलेका छन् । गएराति भएको एफए कपमा चेल्सीले नटिङहम फरेस्टलाई २-० गोलले पराजित गर्यो । तर, सबैभन्दा भावुक वातावरण फ्राविगासका लागि रह्यो । उक्त खेलमा फाब्रिगासले पेनाल्टीमा गोल गर्न भने चुके । चेल्सीको जितमा अल्भारो मोराटाले दुई गोल गरे ।

अर्का स्पेनिस खेलाडी मोराटाले उनलाई अति नै मिस गर्ने बताएका छन् । फाब्रिगासको बिदाइमा समर्थकहरुले उठेर सम्मान दिएका थिए । मैदान छाड्दै गर्दा फाब्रिगास निकै भावुक बने। फाब्रिगास रुँदै मैदानबाट बाहिरिए । उनले चेल्सीमा रहुन्जेल २२ गोल गर्न सफल भए । मिडिया रिपोर्टका अनुसार उनी अब लिग वान क्लब मोनाको जाँदैछन् । प्रशिक्षक हेनरीले उनलाई अनुबन्ध गर्न यस अघि नै प्रयास गरिरहेका थिए ।