नेपालका प्रधानसेनापतिलाई आज भारतले भारतिय प्रधानसेनापतिको पदवी दिने

काठमाडौं । प्रधानसेनापति पूर्णचन्द्र थापा हिजो शुक्रबार भारत गएका छन् । भारतका स्थल सेनाध्यक्ष जनरल विपिन रावतको निमन्त्रणामा उनी ७ सदस्यीय टोलीसहित ५ दिने भ्रमणमा निस्केका हुन् ।

भारतीय राष्ट्रपति रामनाथ कोविन्दले थापालाई आज शनिबार भारतीय स्थलसेनाको मानार्थ महारथी दज्र्यानी चिन्हबाट सम्मान गर्ने कार्यक्रम छ । थापाले भारतीय सेनाका समकक्षी स्थलसेनाध्यक्ष रावत, रक्षामन्त्री, राष्ट्रिय सुरक्षा सल्लाहकारलगायत उच्चपदस्थ अधिकारीसँग भेटघाट गर्ने नेपाली सेनाले जनाएको छ ।