झलनाथ खनाल र चिनियाँ कम्युनिष्ट पार्टीका नेताबीच भेटवार्ता

काठमाडौं, माघ । पूर्वप्रधानमन्त्री एवं नेपाल कम्युनिष्ट पार्टी (ने क पा) का वरिष्ठ नेता झलनाथ खनाल र चिनियाँ कम्युनिष्ट पार्टीका प्रतिनिधिमण्डलबीच भेटघाट भएको छ।

मंगलबार डल्लुस्थित खनाल निवासमा पार्टीका विदेश विभागका १ नम्बर ब्युरोको नेपाल–भारत विभागका उपप्रमुख साओ लियाङको नेतृत्वमा आएको उक्त प्रतिनिधिमण्डलले भेटघाट गरेको उनका स्वकीय सचिव कृष्ण भट्टराईले जानकारी दिए।

भेटमा मुलुकमा विकसित पछिल्लो राजनीतिक अवस्था र नेपालको कम्युनिष्ट पार्टी र चिनियाँ कम्युनिष्ट पार्टीबीचको सम्बन्धबारे छलफल भएको स्वकीय सचिव भट्टराईले जानकारी दिए । भेटमा दुई देशका जनताबीचको सम्बन्धलाई अझ सुदृढ बनाउने विषयमा पनि छलफल भएको उनले बताए ।