नेपाली समुदायलाई लक्षित गर्दै कतारमा ट्राफिक सुरक्षा जागरूकता सेमिनार सम्पन्न

दोहा। कतारमा  नेपाली समुदायलाई लक्षित गर्दै जनवरी २२ तारिख मंगलबार  ट्राफिक सुरक्षा जागरूकता सम्बन्धी सेमिनार सम्पन्न भएको छ । Traffic Awareness Department र Public Relations Department of the Ministry of Interior – State of Qatar को संयुक्त आयोजना तथा एनआरएनए एनसीसी कतारको समन्वयमा कतारमा कार्यरत नेपाली समुदायको लागि ट्राफिक सुरक्षा जागरूकता सेमिनार सम्पन्न भएको थियो ।

सेमिनार Traffic Department  हल मदिना खलिफामा मंगलबार बेलुका साढे ६ बजे देखि साढे ८ बजेसम्म २ घण्टा चलेको थियो। उक्त सेमिनार विशेष गरेर सवारी चलाउने ब्यक्तित्वहरुको लागि निकै उपयोगी रहेको एनआरएनए एनसीस कतारले जनाएको छ।

सेमिनारमा एनसीसी कतारका कार्यवाहक अध्यक्ष तेज कटुवालको नेतृत्वमा विभिन्न संघ–संस्थाका प्रमुख तथा प्रतिनिधि विशेष गरी सवारी चालक नेपाली दाजुभाईहरुको उल्लेख्य उपस्थिति रहेको थियो।