पोखरा महानगरको गाडी जलाउने नेविसंघका ५ कार्यकर्ता पक्राऊ

पोखरा । पोखरा महानगरपालिकाको गाडी जलाउने नेपाल विद्यार्थी संघका ५ जना कार्यकता एक लेकसाइड बाराही गल्लीको एक होटलबाट पक्राउ परेका छन्। पक्राउ पर्नेमा डिफान भुजेल, पर्शुराम बस्नेत, विनय पौडेल, लक्ष्मी पौडेल र राजेन्द्र बराल रहेको जिल्ला प्रहरी कार्यालय कास्कीका प्रवक्ता रविन्द्रमान गुरुङ्ले बताए।

उनीहरूले हिजो शनिबार दिउँसो गुडिरहेको पोखरा महानगरपालिकाको बा १ झ ५८७९ नम्बरको सरकारी गाडीमा आगो लगाएका थिए। आगलागीबाट गाडीमा पूर्णरूपमा क्षति पुगेको छ। घटनाका बारेमा थप अनुसन्धान गरिरहेको प्रहरीले जनाएको छ।