अन्तरजातीय समन्धबाट जन्मीएको भन्दै अस्वीकार गरिएको ब्रतबन्ध राष्ट्रियता संरक्षण युवा मन्च नेपालको सक्रियतामा सम्पन्न

झापा। अन्तरजातीय समन्धबाट जन्मीएको भन्दै ब्रतबन्ध गर्न इन्कार गर्ने ब्राहमणलाई सम्झाउदै राष्ट्रियता संरक्षण युवा मन्च नेपालको सक्रियतामा ब्रतबन्ध कार्य सम्पन्न भएको छ । रत्वा माईनगरपालीका – ४ सिंगारी, मोरङका त्रिलोचन निरौलाका नाती प्रतीकको  ब्रतबन्धका लागी आफन्त तथा छरछिमेकलाई समेत निम्तो गरेको अवस्थामा ब्रतबन्ध गर्न नमिल्ने बताए पछी समस्यामा परेका परिवारलाई राष्ट्रियता संरक्षण युवा मन्च नेपालको सहयोगमा ब्रतबन्ध सम्पन्न भएको हो ।

आफु समस्यामा परेको र ब्रतबन्ध रोकिने अवस्थामा पुगेको भन्दै मंचका अध्यक्ष रंजन देवकोटालाई  फोन आए पछी अध्यक्ष सहित १० जना युवाहरुको समूहको सक्रियतामा ब्रतबन्ध सम्पन्न भएको छ । उक्त कार्यमा मंचका कोषाध्यक्ष तथा प्राध्यापक जीवन रिजालले बटुकका परिवार तथा उपस्थित सबैलाई बेदले कसैलाई काखा र कसैलाई पाखा नगरेको भन्दै स्वयम बेद ब्यास समेतको कथामा जोड दिदै धर्मलाई अपव्याख्या तथा संकुचित बनाउन नहुने सुझाएका थिए ।

उक्त ब्रतबन्धमा सयौले भिक्षा दान गरेका थिए भने स्थानीयले मंचको यस कार्यलाई प्रसंसनिय रहेको बताए । धर्मको नाममा हुने विकृतिलाई चिर्न पर्ने बताउदै अध्यक्ष देबकोटाले भेदभाव पूर्ण ब्यबहार गर्ने- गराउने दुवै सजग हुनुपर्ने समेत बताए  । उक्त अवसरमा बोल्दै समाज सेवी तथा संस्थाका सदस्य प्रेम खड्काले “धर्म समन्धी सबैको अधिकार” भएको भन्दै कसैले पनि आफ्नो सांस्कृति वा धर्मबाट बन्चित हुन नपर्ने बताए  ।