सिड्नी पुगेर अस्मिता अधिकारीले गाइन् – ‘सिमसिमे पानीमा’ (भिडियो)

काठमाडौँ – चर्चित गायन रियालिटी शो ‘नेपाल आइडल’को दोस्रो सिजन ‘नेपाल आइडल २’का प्रतियोगी देश बाहिर हुने विभिन्न कार्यक्रममा व्यस्त हुन थालेका छन्।

अहिले नेपाल आइडलका टप ६ प्रतिस्पर्धी रवि ओड, विक्रम बराल, अस्मिता अधिकारी, सुमित पाठक, अमित बराल र पवन गिरी अस्ट्रेलियामा छन् र विभिन्न सहरमा आफ्नो प्रस्तुति दिइरहेका छन्।

शुक्रबार नेपाली टचको आयोजनामा सिड्नीको टाउन हलस्थित लिभरपूल स्ट्रिट सार्क होटलको स्पेस नाइट क्लबमा आयोजना भएको ‘लाइभ इन सिड्नी’मा नेपाल आइडलका टप ६ ले आफ्नो प्रस्तुति दिए।

प्रस्तुतिको क्रममा नेपाल आइडलकी थर्ड रनरअप अस्मिता अधिकारीले चर्चित गीत ‘सिमसिमे पानीमा’ लगायतका गीत गाइन्। गीतमा वास्तविक स्वर रेखा शाहको रहेको छ। हेर्नुस् नेपाल आइडलकी थर्ड रनरअप अस्मिता अधिकारीको प्रस्तुति