जनकपुर: मोटरसाइकल र ट्रयाक्टर ठोक्किँदा एकको मृत्यु

जनकपुर, फागुन २ । जनकपुरमा मोटरसाइकल दुर्घटनामा परी एक जनाको मृत्यु भएको छ । जनकापुरबाट धनौजीतर्फ जाँदै गरेको ज ११ प २०७७ नम्बरको मोटर साइकल र विपरित दिशाबाट आउदै गरेको ज १ त ७३११ नम्बरको ट्याकर जनकपुरको श्याम चोकमा एक आपसमा ठोक्किँदा दुर्घटना भएको हो ।

दुर्घटनामा मोटरसाइकल चालक धनुषा, धनौजी गाउँपालिका बस्ने ३५ वर्षीय समिम अन्सारीको मृत्यु भएको जिल्ला प्रहरी कार्यालय धनुषाले जनाएको छ ।

दुर्घटनापछि ट्याक्टर चालक फरार भएको ट्राफिक प्रहरी प्रमुख प्रहरी निरीक्षक दिपक साहले जानकारी दिएका छन् । भने मृतक अंसारीको शव पोष्टमार्टमका लागि जनकपुर अञ्चल अस्पतालमा राखिएको छ ।