‘मविरुद्ध किन त्यस्तो निर्णय लिइयो, अझै बुझ्न सकेको छैन’

काठमाडौँ, ३ फागुन । रियल मड्रिडका प्रशिक्षक जुलियन लोपेतेगुइले आफ्नो बर्खास्तीबारे बल्ल बोलेका छन् । प्रशिक्षक जिनेदान जिदानले रियल मड्रिडको जिम्मेवारीबाट राजीनामा दिएपछि जुलियन लोपेतेगुईलाई नियुक्त गरिएको थियो ।

सिजनको सुरुवात पनि भएको थिएन । स्पेनको राष्ट्रिय टोलीको पनि जिम्मेवारी सम्हालेका उनलाई रियलले अनुबन्ध गर्ने निर्णय लियो र नियुक्त गर्यो ।

तर, स्पेनको जिम्मेवारीबाट उनलाई एकाएक बर्खास्त गरियो । उनले भनेका छन्, ‘मलाई किन हटाइयो म अझै अचम्मित छु । म त्यो दिन सुत्नै सकिन । विश्वकपका लागि म रसियामा रहेको थियो । तर, एकाएक मलाई बर्खास्त गरियो र म स्पेन फर्किए । आज पनि ममाथि त्यस्तो निर्णय किन लिइयो बुझन सकेको छैन ।’

बार्सिलोनासँग रियल नराम्रोसँग पराजित भएपछि रियलले पनि उनलाई बर्खास्त गरेको थियो । उनले रियलमा सोलारीले राम्रो काम गरेको भन्दै बधाइ पनि दिएका छन् ।