‘बार्सिलोना कतै च्याम्पियन्स लिगमा पराजित हुने त होइन’

काठमाडौँ, ५ फागुन । बार्सिलोनाले मध्य सिजनमा केभिन प्रिन्स बोयटिङलाई क्लबमा अनुबन्ध गर्यो ।उनलाई आउने बित्तिकै खेल्ने अवसर पनि दियो ।

तर, उनको खेलले प्रभाव जमाउन सकेको छैन । गएराति भएको रियल भालाडोलिडविरुद्ध बार्सिलोनाको खेलको खुबै आलोचना भएको छ । विश्वकै उत्कृष्ट खेलाडीहरु रहेको बार्सिलोनामा अपेक्षा अनुसारको खेल भने खेलाडीले पस्कन सकेका छैनन् ।

कोटिन्हो बेन्चमा सिमित हुनु र मैदानमा उत्रिएका बोयटिङ पनि झुर खेल खेल्नु च्याम्पियन्स लिगका लागि पनि राम्रो तयारी नभएको समिक्षकहरुले बताएका छन् ।

बोयटिङको प्रभावकारी भुमिका अपेक्षा गरिरहँदा च्याम्पियन्स लिगमा बार्सिलोना कतै पराजित हुने त होइन एकखाले डर पसिसकेको बताइएको छ । बार्सिलोनाका खेलाडीहरुले एकपछि अर्को गोल गर्ने मौका गुमाइरहँदा कतै सिजन एकाएक खराब हुने त होइन शंका गर्न थालिएको छ ।