क्रिस गेलद्वारा १६२ रनको पारी, ईङ्गल्यान्ड विरुद्ध ३८९ रन बनाएर पनि पराजित भयो वेस्टईन्डिज !

वेस्टईन्डिज र ईङ्गल्याण्ड बिच बुधबार सम्पन्न खेलमा वेस्टईन्डिजका विस्पोटक ब्याट्सम्यान क्रिस गेलले १६२ रनको उत्कृष्ट पारी खेलेका छन । गेलले ९७ बलमा १४ छक्का र ११ चौका सहित १६२ रनको पारी खेलेपनि टिमलाई हारबाट जोगाउन भने सकेनन ।

ईङ्गल्याण्डले जितको लागि दिएको ४१९ रनको लक्ष्य पछ्याउँदै जवाफी ब्याटिङ गरेको वेस्टईन्डिजले ४८ ओभरमा सबै विकेट गुमाउँदै ३८९ रन बनाएको थियो । वेस्टईन्डिजको लागि युनिभर्स बोसको रुपमा परिचीत गेलले सर्वाधिक १६२, ड्यान ब्र्याभुले ६१, कार्लोस ब्र्याथोईटले ५०, अस्ले नर्सले ४३ र कप्तान ज्यासन होल्डरले २९ रनको योगदान दिएका थिए ।

जित नजिक पुगेको वेस्टईन्डिजलाई ३८९ रनमा समेट्ने क्रममा ईङ्गल्याण्डका आदिल रशिदले ४७ औ ओभरमा ४ विकेट लिएका थिए । उनले पाँच बलको अन्तरालमा ४ विकेट लिएपछि वेस्टईन्डिजको पारी रोकिएको हो । बलिङतर्फ ईङ्गल्याण्डका आदिल रशिदले सर्वाधिक ५, मार्क वुडले ४ र मार्कस स्टोनिसले १ विकेट लिएका थिए ।

यस अघि पहिला ब्याटिङ गरेको ईङ्गल्याण्डले जोस बुट्लरको सर्वाधिक १५०, कप्तान ईयन मोर्गनको १०३, एलेक्स हेलको ८२ र जोनि बेईरिस्टोको ५६ रनको मद्दतले निर्धारित ५० ओभरमा ६ विकेट गुमाउँदै ४१८ रनको उच्च योगफल तयार पारेको थियो । करियरकै सर्वाधिक उच्च ब्याक्तिगत स्कोर बनाएका जोस बुट्लरले ७७ बलमा १२ छ्क्का र १३ चौका प्रहार गरेका थिए ।

वेस्टईन्डिज र ईङ्गल्याण्ड बिच जारी ५ खेलको सिरिज अन्तर्गत चौथो खेलमा २९ रनको जित निकालेको ईङ्गल्याण्डले सिरिजमा २-१ को अग्रता कायम गरेको छ । दुबै देशबिच अगामि शनिबार अन्तिम एकदिवसीय खेल हुनेछ ।