च्याम्पियन्स लिगमा पनि रियल मड्रिड कतै पराजित हुने त होइन ?

काठमाडौँ, २१ फागुन । आज च्याम्पियन्स लिगमा रियल मड्रिडवरूद्ध आयाक्सले सानदार कमव्याक गर्नुपर्नेछ ।अन्तिम आठमा स्थान बनाउन आयक्सलाई २-१ गोलको नतिजा उल्टाउनु पर्नेछ ।

पछिल्ला दुई खेल लगातार हारेको रियल च्याम्पियन्स लिगमा कतै पराजित हुने त होइन भन्ने आशंका पनि उत्तिकै रहेको छ ।रियलको डिफेन्स लाइनमा समस्या देखिएको समिक्षकहरु बताउँछन् ।

यस सिजन ला लिगा उपाधिबाट पनि पछि परेको रियलको आशा पुनः च्याम्पियन्स लिगबाट रहेको छ ।तीन सिजन च्याम्पियन्स लिग जितेको रियलका लागि यस सिजन पनि विशेष नै रहेको छ ।

घरेलु मैदानमा आयाक्सविरुद्ध उत्कृष्ट खेल खेल्ने उसको तयारी रहेको छ ।बार्सिलोनासँग लगातार दुई खेल हारेपछि सोलारीमाथि खेल जित्नै पर्ने दबाब रहेको छ । च्याम्पियन्स लिगमा सोचेजस्तो खेल खेल्न नसके सोलारीको जागिर धरापमा पर्ने समिक्षकहरु बताउँछन् ।