गृहमन्त्री थापाको ठाडो आदेश पछि नयाँ मोडमा निर्मला हत्याकाण्ड !

काठमाडौं । कञ्चानपुर उल्टाखामकी १३ वर्षीया बालिका निर्मला पन्तको बलात्कार तथा हत्या प्रकरणले नयाँ स्वरुप लिएको छ । तत्कालीन कञ्चनपुर प्रमुख रहेको प्रहरी उपरीक्षक (एसपी) डिल्लीराज विष्टसहित ८ प्रहरी अधिकारीविरुद्ध मुद्दा दायर गरिएको हो । बर्खास्तीमा परेका तत्कालीन एसपी विष्ट र निलम्बित डीएसपी अंगुर जिसीलाई फरारको सूचीमा राखिएको छ ।

इन्सपेक्टर एकेन्द्र खड्का जगदिश भट्ट, सईहरु हरिसिंह धामी, रामसिंह धामी र प्रहरी जवान चाँदनी साउद अदालतमा उपस्थित भएका छन् । उनीहरुको बयान बिहिबार आज देखि नैं सुरु हुने भएको छ । प्रहरी प्रवक्ता एसएसपी उत्तम सुवेदीकाअनुसार ६ जना कञ्चनपुर प्रहरीको हिरासतमा रहेका छन् । बयान सकिएपछि थुनछेक बहस हुने उहाँले जानकारी दिनुभयो ।

बयान पछि धरौटीमा छोड्ने वा पुर्पक्षका लागि कारागार पठाउन आदेश हुने जनाइएको छ । निर्मलाको उनकी साथी रोशनी बमको घरमा गएका बेला बलात्कार गरी हत्या गरेको अवस्थामा भोलिपल्ट बिहान नजिकैंको उखुबारीमा शव भेटिएको थियो । घटनाको अनुसन्धानमा प्रहरीले लापरवाही गर्नुको साथै प्रमाण नष्ट गरेको पटकपटक सरकारकैं मन्त्रीले जनाउँदैं आएका छन् । हिजो मात्रैं धनगडी पुग्नु भएका गृहमन्त्री रामबहादुर थापाले निर्मलाको हत्यारा छिट्टै पत्ता लाग्ने जनाउँनु भएको थियो ।