कस्तो छ फिल्म जानी नजानी? यसो भन्छन् दर्शक ( भिडियो)

काठमाडौं। रोशनी केसीको प्रस्तुति तथा मोदनाथ खनाल र सागर काजी मालीको निर्माणमा बनेको चलचित्र जानी नजानी शुक्रबारदेखि प्रर्दशनमा आएको छ।चलचित्र हेर्न पहिलो दिनमै हलमा दर्शकको घुँइचो लागेको रोशनी केसीले बताइन्। उनले चलचित्र राम्रो बनेको र दर्शकहरुलाई हलसम्म गई चलचित्र हेरिदिन आग्रह समेत गरिन्।

चलचित्र युनिटले शुक्रबार साँझ चलचित्रको प्रिमियर शोको समेत आयोजना गरेको थियो। प्रिमियर शोमा विभिन्न कलाकारहरुसहित थुप्रै दर्शकहरुको उपस्थिती रहेको थियो।चलचित्र हेरेपछि उनीहरुले चलचित्र राम्रो बनेको प्रतिक्रिया दिएका छन्। विशेष गरेर युवाअवस्थामा हुने माया प्रेम, बाबु छोराको सम्बन्ध लगायतका नेपाली समाजका यथार्थ भोगाईलाई चलचित्रमा देखाउन खोजिएको छ।

चलचित्रलाई वसन्त अधिकारीले निर्देशन गरेका हुन्। सामिप्यराज तिमिल्सेनाको कथा, पटकथा तथा संवाद रहेको फिल्ममा मनिष श्रेष्ठ, निरिशा बस्नेत, सन्नी सिंह, नम्रता श्रेष्ठ, प्रकाश अधिकारी , कृष्णभक्त महर्जन र रोशनी केसी लगायतको अभिनय रहेको छ।