राष्ट्रपति भण्डारीको स्वागतका लागी ओछ्याएको ‘रेड कार्पेट’मा सर्प दौडिएपछी

काठमाडौँ – राष्ट्रपति विद्यादेवी भण्डारी आज स्वदेश फर्किएकी छन् ।राष्ट्रपति विद्यादेवी भण्डारी महिलाको स्थितिसम्बन्धी संयुक्त राष्ट्रसङ्घीय आयोग ९सिएसडब्ल्यू०को ६३औँ अधिवेशनमा भाग लिई आज स्वदेश फर्किएकी हुन् ।

स्वदेश फर्कने क्रममा राष्ट्रपति विद्यादेवी भण्डारीलाई त्रिभुवन अन्तरराष्ट्रिय विमानस्थलको अतिविशिष्ट कक्षमा उपराष्ट्रपति, प्रधानमन्त्री, उपप्रधानमन्त्री तथा रक्षामन्त्री र परराष्ट्रमन्त्रीले स्वागत गरेका थिए ।

सो अवसरमा मन्त्रिपरिषद्का सदस्य, सांसद, संवैधानिक अङ्गका प्रमुख, विशिष्ट श्रेणीका सरकारी कर्मचारी, सुरक्षा निकायका प्रमुखलगायतको पनि उपस्थिति थियो । गत आइतबार न्यूयोर्क प्रस्थान गरेकी राष्ट्रपति भण्डारीले राष्ट्रसंघका महासचिव लगायतसँग भेटवार्ता गरेकी छन्।

शुक्रबार दिउसो ३ बजे फर्किएकी राष्ट्रपतिको स्वागतका लागि त्रिभुवन अन्तर्राष्ट्रिय विमानस्थलको भीआईपी कक्षमा रेड कार्पेट विच्छ्याइएको थियो।उक्त रेड कार्पेटमा राष्ट्रपति भण्डारी हिड्नु अघि नै एउटा ठूलो सर्प कार्पेटमा दौडिएको थियो । उक्त सर्प रेड कार्पेटबाट विमानस्थलतर्फ गएको थियो।