यी वृद्धा जसलाई १०४ वर्षको उमेरमा जेल जीवन बिताउँने रहर ! अनौंठो छ कारण

काठमाडौं । विश्वमा अनेक थरिका मानिस हुन्छन् । मानिस अनुसार उनीहरुका इच्छा पनि थरिथरिका हुन्छन् । १०४ वर्षकी एन ब्रोकनब्रो नाम गरेकी एक बेलायती वृद्ध महिलाले आफू जेल बस्न चाहेको इच्छा व्यक्त गरेकी छिन् ।

उनले आफूले अहिलेसम्म कानुन उलङ्घन नगरेको भन्दै यसको अनुभव कस्तो हुन्छ भनेर जान्न चाहेको बताएकी हुन् । प्रहरी पनि ती वृद्धाको यो चाहनासँग सहमत भएको छ ।

प्रहरीले एन ब्रोकनब्रोलाई अर्को हप्ता पक्राउ गर्ने बताएको छ । त्यसपछि उनलाई कारागारमा राखिनेछ । त्यो उनको जीवनकै पहिलो अनुभव हुने पनि बताइएको छ ।

ब्रोकनब्रो आफू अवकाश पाउनुभन्दा अगाडि एक कम्पनीमा सेक्रेटरीको काम गर्दै आउनु भएको थियो । एउटा संस्थाले आयोजना गरेको च्यारिटीमा वृद्धहरुलाई आफ्नो जीवनको आखिरी इच्छा के हो भनेर भर्न लगाइएको थियो, जसमा उहाँले आफू जेल बस्न चाहेको बताउँनु भएको थियो । एजेन्सी