संसारका सबैभन्दा अभागी यी १० व्यक्तिहरुबारे जान्नुहोस्, आफूलाई भाग्यमानी सम्झिनुहुनेछ

6 years अगाडी Susma Dhakal

काठमाडौं। यदि तपाईको दिन खराब बितिरहेको छ भने विश्वका केही अभागी मानिसहरुबारे थाहा पाइराख्नुहोस् । उनीहरुबारे थाहा पाएपछि पक्कै पनि तपाईले केही राहत महसुस गर्नुहुनेछ ।

मानिसहरु एकदुई पटक ठक्कर खान्छन् वा अभागी सोच्छन् तर विश्वमा केही यस्ता मानिसहरु रहेका छन् जसले पाइलै पिच्छे अभागी भएको महसुस हुनुपर्यो । आउनुहोस् हेरौ विश्वका १० अभागी मानिसहरु –

१०. डेडे कोस्वाराः डेडे कोस्वारा जन्मदा स्वस्थ नै जन्मेका थिए तर १० वर्षको उमेरमा उनी इन्डोनेसियाको जंगलमा लडेर चोट लाग्यो । त्यसपछि उनको घाउमा मुसो जस्तो पलाउन थाल्यो र बिस्तारै त्यो उनको शरिरभरी फैलेर शरीरभरी रुखको बोक्रा जस्तो पलाएको छ । उनको शरिर कुरुप भएको छ र हिडडुल गर्न समेत गाह्रो हुन्छ ।

९. जोन लाइनः ब्रिटेनका ५४ वर्षीय औधोगिक सफाइ गर्ने जोन लाइनलाई धेरै मानिसहरुले ‘विपत्ति जोन’ भनेर बोलाँउछन् । उनी बच्चा हुँदा घोडा र बग्गीबाट लडेका थिए र डेलिभरी भ्यानले झन्डै किचेको थियो ।

जब उनी किशोर भए उनी रुखबाट लडेर हात भाँचे र उपचार गरेर फर्कदा उनी चढेको बस दुर्घटना भएको थियो । त्यही हात अर्को ठाँउमा भाच्चियो । त्यस पछि सन् २००६ माउनी फेरी काम गर्दागर्दै म्यानहोल बाट खसे ।

८. रोय सुलिभानः अमेरिकी पार्क रेन्जर रोय सुलिभानसंग धेरैपटक चट्याङ लाग्दा नि बाँचेको गिनिज विश्व रेकर्ड छ । उनलाई सन् १९४२ देखी १९७७ सम्म सात पटम ठूल्ठूला झट्का लागेको थियो तर उनी बाच्ँन सफल भए। त्यसपछि उनलाई ‘ह्युम्यान लाइटेनिङ रड’को उपनाम दिइयो ।

७. हेनरी जिग्ल्याण्डः सन् १८८३ मा हेनरी जिग्ल्याण्डले आफ्नो प्रेमिकालाई छोडिदिए त्यसपछि प्रेमिकाले आत्महत्या गरिन । प्रेमिकाको दाइले हेनरीलाई बदला लिन गोली हाने, तर उनले हानेको गोली रुखमा लाग्यो ।

हेनरीको मृत्यु भएको ठानेर उनी आफैँले आफुलाई गोली हानेर ज्यान लिए । धेरै वर्ष पछि हेनरीले त्यो रुख काट्ने योजना बनाए र विष्फोटक पदार्थले रुखलाई उडाए तर त्यो अड्किएको गोली टाउकोमा लागेर उनको मृत्यु भयो ।

६. कोस्टिस मित्सोटाकिसः सन् २०१२ मा स्पेनको सोडेटो नगरका सबै मानिसहरुले ९५० मिलियन पुरस्कार भएको ठूलो क्रिसमस चिठ्ठा किने । कोस्टिस मित्सोटाकिस बाहेक सोडेटो नगरका ७० परिवारका सबैले केही न केही पुरस्कार जीते तर उनले केही जित्न सकेनन् ।

५. एरिक नोरीः फ्लोरिडाका नोरी सन् २०१३ मा बाहामासमा माछा मारिरहेको थिए । त्यसबेलामा एउटा सार्कले पछाडिबाट आक्रमण गर्यो । उनको खुट्टाको चौटा नै लिएर गयो र ससुराले उनलाई बचाए । यसभन्दा पहिले उनलाई चट्याङ लागेको थियो र विषालु सर्पले पनि टोकेको थियो ।

४. जोन वेडः उनलाई फ्लोरिडाको घरमा फोन गरिरहेको बेलामा चट्याङ लागेको थियो । उनलाई आफ्नो ट्याक्सी चलाइरहेको बेलामा उनलाई लुटेराहरुले कन्चटमा गोली ताकेर लुटेर भागेका थिए । उनलाई सन् २००८ मा चक्कु पनि प्रहार गरिएको थियो । त्यस्तै सन् २००९ मा उनलाई दुईवटा सर्पहरुले एकै चोटी टोकेका थिए ।

३. मेलेनी मार्टिनेजलः मेलेनी मार्टिनेजले ५० वर्षको समयमा आँधी–बेरीको कारण पाँचवटा घर गुमाइन् । सन् १९६५ को बेस्टी, १९८५ को जुआन, १९९८को जर्ज र २००५ को केटरिनाले घर लगे पनि उनले लुजियाना छोडिनन् । उनको बारेमा थाहा पाएपछि एक रियालिटी सोले नयाँ घर बनाइदियो तर केही महिना मै आइज्याकनामको हुरीकेनले नयाँ घर समेत सबैथोक उडाएर लगिदियो ।

२. भायोलेट जोसेफः भायोलेट जोसेफ ओलम्पिक नामको पानी जहाजमा परिचारिका थिइन । तर, यो पानी जहाज अर्को पानी जहाजसँग ठोक्किएर सन् १९११ माडुब्यो । त्यसमा उनी बाच्ँन सफल भइन् । त्यसपछि उनी टाइटानिकमा परिचारिका भइन र त्यो पनि सन् १९१२ आइसबर्गमा ठोक्किएर डुब्यो । उनी फबोटमा उत्रेर बाचिन र उद्धारकर्ताले उनको उद्धार गरे । त्यसपछि फेरी प्रथम विश्वयुद्धको समयमा उनले राजपरिवारको हस्पिटल पानी जहाज ब्रिटानिकमा काम गरिन तर त्यो पानी जहाज पनि डुब्यो । उनी फेरी लाइफबोटको मद्दतले बाच्न सफल भइन । उनको सन् १९७१ मा मृत्यु भयो र उनलाई समुन्द्रमा गाडियो ।

१. ती मानिस जो न्युक्लियर बमबाट पनि बाँच्न सफल भएः नागासाकीका सुतोमु यामागुची सन् १९४५ अगस्ट ६ मा आफ्नो कामको सिलसिलामा हिरोसिमा गएका थिए । उनी त्यही दिन हिरोसिमा छोड्ने वाला थिए तर आफ्नो हान्को यात्राको लागि चाहिने डकुमेन्ट छुटेकाले फेरी आफ्नो कार्यस्थल फर्केका थिए ।

त्यति नै बेला अमेरिकीहरुले ‘लिटिल ब्वाइ’नामको आणविक बम खसाले । बम खसालिएको ठाँउ भन्दा उनी जम्मा ३ किलोमिटरको दुरीमा थिए । त्यो विष्फोटले उनको कानको जाली फुट्यो र उनी केही समयको लागि अन्धो भए । एक रात एअर रेड सेल्टरमा बिताए पछि भोलिपल्ट उनी आफ्नो घर नागासाकी फर्किए ।

नागासाकीमा आएर उनले उपचार गरे । अगस्ट ९ मा फेरी अमेरिकीहरुले अर्को आणविक बम ‘फ्याट म्यान’ नागासाकीमा खसाले। यो समयमा पनि उनी ग्राउन्ड जिरो भन्दा ३ किलोमिटरको दुरीमा थिए तर यो पटक उनलाइ केही भएन । उनको मृत्यु सन् २०१० मा क्यान्सरका कारण भएको थियो ।