जनकपुरमा परीक्षा स्थगित भएको विरोधमा परीक्षार्थीहरुले गरे प्रदर्शन !

एसइई अन्तर्गत शुक्रबार हुने समाजिक विषयको परीक्षा स्थगित भएको विरोधमा परीक्षार्थीहरुले जनकपुरमा प्रदर्शन गरेका छन् । प्रश्नपत्र परीक्षा पूर्व नै आउट भएपछि आजको अनिवार्य समाजिक विषयको रेगुलर तर्फको परीक्षा परीक्षा बोर्डले स्थगित गरेको छ ।

नियोजित रुपमा प्रश्नपत्र आउट गरेर परीक्षा स्थगित एवं रद्द गरी परीक्षार्थीलाई दुःख दिएको भन्दै उनीहरु प्रदर्शन गरेका हुन् । विद्यार्थीको भविष्यसंग खेलबाड गरेको भन्दै जनकपुरको भानुचोकमा आज विहान परीक्षार्थीहरुले प्रदर्शन गरेका छन् ।

आज विहने हुने सामाजिक विषयको प्रश्नपत्र बिहीबार नै आउट भएपछि टुडेपाटीले फेला पारेको थियो । यस विषयमा टुडेपाटी अनलाईनमा सबभन्दा पहिला समाचार सार्वजनिक भएको थियो ।