बर्षासँगै आएको आँधिका कारण पाकिस्तानमा २५ भन्दा बढीको मृत्यु !

हावाहुरी सहित आएको आँधीका कारण पाकिस्ताका विभिन्न स्थनानमा २५ भन्दा बढीको ज्यान गएको छ । आँधीले त्यहाँको पञ्जाव प्रान्त र सिन्धा प्रान्तमा सबैभन्दा धेरै प्रभाव पारेको स्थानीय संचार माध्यमहरुले उल्लेख गरेका छन् ।

आँधिका कारण त्यहाँ भएका विजुलीको पोल साथै रुखहरु पनि ढलेका छन् । पाकिस्तानी समाचारपत्र डनका अनुसार देशका पश्चिमी, मध्य र पूर्वी क्षेत्रमा एक साता अघिबाट निरन्तर पानि परिरहेको छ । बर्षका कारण धेरैजसो ठाँउमा बाढीको पनि खतरा देखिएको स्थानीय सरकारलाई उदृत गर्दै स्थानीय संचार माध्यमहरुले जनाएको छ ।

निरन्तर भइरहेको बर्षका कंयौ भवनहरु पनि भत्कीएको जनाईएको छ । त्यस्तै खैबर पख्तनूख्वा प्रान्तको चित्राल उपत्यकामा घरको छत खस्दा एक महिला र दुई पुरुषको ज्यान पनि गएको छ। बाढीमा परेर केही बेपत्ता भएकाले मृतकको सङ्ख्या अझै बढ्नसक्ने बताईएको छ ।