पौडी खेल्ने क्रममा तमोर नदीले बगाएर एक भारतीय नागरिक बेपत्ता

पाँचथर, पाँचथरको हिलिहाङ गाउँपालिका–७ सुभाङ आज तमोर नदीले बगाएर १ जना भारतीय नागरिक बेपत्ता भएका छन् । बिहान ११ बजेको समयमा तमोर करिडोर कम्पनीको बिजुलीको तार विस्तार गर्ने क्रममा ३ जना भारतीय नागरिकहरु नदीमा पौडी खेलेर नदी पार गर्ने क्रममा सोही कम्पनीका कामदार १९ वर्षीय मन्जुरी हकलाई नदीले बगाई बेपत्ता बनाएको हो ।

तीन जनामध्ये २ जनाले भने नदी पार गरेका थिए । घटनाको जानकारी पाउनासाथ तत्काल घटनास्थलमा जिल्ला प्रहरी कार्यालय पाँचथर र प्रहरी चौकी जोरपोखरीबाट प्रहरी टोली खटि गई खोजी कार्य भईरहेको उक्त कार्यालयले जनाएको छ ।