असावधानीकोे विभत्स रुप : यी निर्दोश बालक खेल्दा-खेल्दै मिलमा छिरेर गयो ज्यान

काठमाडौ । हामी सावधानी अपनाउँदैनौँ । यही कारण निर्देशहरुको ज्यान गइरहेको छ । कैलालीको लम्कीमा कोईला मिलमा परेर एक बालकको मृत्यु भएको छ। लम्कीचुहा नगरपालिका वडा नम्बर २ मा रहेको कोईला मिलमा परी सोही स्थानका ४ वर्षीय बालक आयुष कडायतको मृत्यु भएको प्रहरीले जनाएको छ।ईलाका प्रहरी कार्यालय लम्कीका अनुसार धर्मा वैकल्पिक उर्जा उद्योगमा आईतबार साझ भुसामा खेलिरहेको अवस्थामा मिल चलेपछि पाईपले भुसासंगै बालक पनि तानेको थियो। उनको शव परिक्षणका लागि टीकापुर अस्पतालमा राखिएको छ।

यसैबीच सुदूरपश्चिम प्रदेशको अस्थायी राजधानी धनगढीमा ट्रयाक्टर दुर्घटना हुँदा एकजनाको मृत्यु भएको छ। सोमबार दिउँसो २ बजेको समयमा धनगढी उप–महानगरपालिका वडा नम्बर ८ वेलीको जंगलमा से १ त २३६४ नम्बरको ट्रयाक्टर दुर्घटना हुदा चालक धनगढी ४ का ३१ वर्षीय राजु चौधरीको मृत्यु भएको प्रहरीले जनाएको छ। जिल्ला प्रहरी कार्यालयका अनुसार धनगढीबाट फुलबार जादै गरेको ट्रयाक्टर अनियन्त्रित भई दुर्घटनामा परेको हो। दुर्घटनापछि गम्भीर घाईते भएका चौधरीको उपचारका क्रममा निर्सग अस्पतालमा मृत्यु भएको हो।