भाजपाको बहुमत आउनेभएपछि मिडियामा कहिलै नदेखिएकी मोदीकी आमा, सर्मथकलाई दिईन सन्देश

नयाँदिल्ली । विशेष समयमा आफ्नो उपस्थित जनाउँने भारतीय प्रधानमन्त्री नरेन्द्र मोदीकी आमा फेरि चर्चामा आएकी छिन् । भारतमा सम्पन्न लोकसभा चुनावको जारी गणनामा भारतीय जनता पार्टी बलियो देखिँदै गर्दा हीराबेन मोदी झुल्किएकी हुन् ।प्रधानमन्त्री नरेन्द्र मोदीकी आमा हीराबेनले समर्थकहरुलाई धन्यवाद ज्ञापन गरेकी छिन् । उनले बिहीबार बिहान गान्धीनगर नजिकै रहेको निवासबाहिर आएर समर्थकहरुलाई धन्यवाद दिएकी हुन् ।

सो क्रममा मोदीसमर्थित नारा लागेको थियो । मोदीले चुनाव शुरु हुनुअघि आमाको आशिर्वाद लिएका थिए । वाणरासीबाट चुनाव लडेका मोदी प्रतिद्वन्दीभन्दा भारी मतले अगाडि छन् ।यता भारतीय कांग्रेस अध्यक्ष राहुल गान्धी उत्तर प्रदेशको निर्वाचन क्षेत्र अमेठीको मतगणनामा बिजेपीकी उम्मेदवार स्मृति इरानीभन्दा ५ हजार मतले पछाडि रहेको जनाइएको छ । मोदीकी आमा खासै मिडियामा आउँदैन थिइन् । तर यो क्षणमा उनीपनि पर्खिएर बस्न नसकेको बताएकी छिन् । एजेन्सी