थाेरै अण्डा स्वास्थ्यका लागि फाइदाजनक, धेरै खाए के हुन्छ ?

अण्डा स्वास्थ्यका लागि फाइदाजनक छ । अण्डामा भिटामिन ए, बी, बि १२, डी, इ, के, फस्फोरस, सेलेनियम, भिटामिन तथा जिंकलगायत पोषक तत्व पाइन्छ ।विज्ञहरुका अनुसार एउटा अण्डामा यति धेरै पौष्टिक पदार्थ हुन्छ । जसले एउटा कोषलाई चल्लामा बदल्न सक्छ । अण्डामा मानिसलाई चाहिने सबै जसो पोषक तत्व पाइन्छ । क्याल्सियम, आइरन तथा प्रोटिनजस्ता तत्वले भरेको अण्डाको सेवनले हाम्रो शरीरमा चाहिने दैनिक पौष्टिक तत्वको मात्रा पूर्याउन सहयोग गर्छ ।

अण्डा खाएमा मोटाइन्छ भन्ने मान्यता रहे पनि यो साचो नभएको अध्ययनले प्रमाणित गरिसकेको छ । अण्डाले दुब्लालाई मोटाउन भन्दा पनि मोटोपनाबाट पीडित मानिसहरुलाई तौल घटाउन सहयोग पुग्छ । बिहानको ब्रेकफास्टमा अण्डा खानाले हामीलाई दिउँसो भोक कम लाग्छ जसले गर्दा थोरै खानाले पुग्ने भएकाले मोटोपनाबाट पीडित भएका मानिसहरुलाई वजन घटाउन तथा तौल नियन्त्रण गर्न सहयोग गर्छ ।

अण्डामा हुने तत्वले तनाब तथा डिप्रेशन घटाउनका साथै उक्त रक्तचाप, मुटुरोग, हृदयाघात लगायतका विभिन्न रोगको जोखिम कम गर्दछ । अण्डामा पाइने टाइरोसिन नामक एमिनो एसिडले मस्तिष्क तथा स्नायुको चेतनामा वृद्धि गरेर हाम्रो दिमाग तेजिलो बनाउन मद्दत गर्छ । दैनिक अण्डा खाने गरेमा रतन्धो तथा छिटै दृष्टि कमजोर भएर दृष्टिवीहिन हुने जोखिमलाई कम गर्छ । एक वयस्क व्यक्तिले दिनमा ३ वटासम्म अण्डा खान उपयुक्त हुन्छ । यो भन्दा बढी खाएमा हाम्रो शरीरमा दुई या तीन गुणा बढी प्रोटीनको उपभोग हुन्छ जसले मिर्गौलामा खराब असर गर्न सक्छ ।अण्डाको पहेँलो भागमा धेरै मात्रामा कोलेस्टेरोल हुने कारणले खतरा देखिएको हो । दिनमा तीन भन्दा धेरैअण्डा खाँदा पनि त्यसले मुटुलाई हानि पुर्‍याउन सक्छ ।