सिन्धुलीमा जब मदिरा पिएका श्रीमानले श्रीमतीको गुप्तांगमा अचार कोचिदिए

सिन्धुली । दुधौली नगरपालिका वडा नं. ३ को निपाने कालापानीकी ४४ वर्षिय डस्नी कुमरलाई श्रीमानले छिमेकी देउरानी नाता पर्ने महिलाको सहयोगमा कुटपीट तथा यौन दुव्र्यवहार गरे । उनलाई २०७६ बैशाख ३० गते श्रीमान ५० वर्षिय सञ्चा कुमरले छिमेकी २७ वर्षीय बेलवती कुमरको सहयोगमा श्रीमतीमाथि कुटपिट तथा दुव्र्यवहार गरी घाइते नै बनाए ।

मदिरा सेवन गरि घरमा आएर श्रीमती डस्नीलाई भुइँमा लडाइ छातिमाथि चढी लात्ती र मुड्कीले कुटपीट गर्नुका साथै भात, दाल, अचार योनीमा कोचिदिएपछि मेलमिलापकर्ता र जनप्रतिनिधिहरुको सहयोगमा उनलाई जिल्ला अस्पतालमा उपचारका लागि ल्याइएको राजधानी दैनिकको समाचारमा उल्लेख छ ।

‘उनलाई श्रीमानले विगत २–३ वर्षदेखि अर्की श्रीमती ल्याउँछु, तँ बुढी भईस भन्दै कुटपिट गर्दै आएको’ पीडित डस्नीको भनाइ छ । जिल्ला प्रहरी कार्यालय महिला तथा बालबालिका सेवा केन्द्र सिन्धुलीमा पीडक विरुद्ध उजुरी दर्ता त भयो तर छोरा लगाएतको दवावमा उनले मेलमिलाप गर्नुपर्यो ।

यी घटना प्रतिनिधि घटना हुन । पछिल्लो तीन वर्षमा यस्ता घटनाहरु धेरै भएका छन । करिब ३ वर्षमा यसरी परिवार तथा श्रीमानका कारण पीडित हुने महिलाको संख्या १७० पुगेको तथ्यांक प्रहरीसँग छ ।