सुनसरीमा जुवा खेलिरहेको अवस्थामा ५ जना पक्राउ

झापा ,सुनसरीको दुहवी नगरपालिका–१२ बाट जुवा खेलिरहेको अवस्थामा ५ जना पक्राउ परेका छन् । स्थानीय गंगा चौधरीको घरमा जुवा खेलिरहेको भन्ने सूचनाका आधारमा जिल्ला प्रहरी कार्यालय सुनसरीबाट खटिएको प्रहरी टोलीले पाँच जनालाई पक्राउ गरेको हो ।

पक्राउ पर्नेमा इटहरी उपमहानगरपालिका–१५ का ४४ वर्षीय श्रवणकुमार चौधरी, ग्रामथान गाउँपालिका–६ का ४० वर्षीय रुपेशकुमार तामाङ, ग्रामथान गाउँपालिका–५ का ४० वर्षीय लालबहादुर चौधरी, गढी गाउँपालिका–३ का ४२ वर्षीय रमेश चौधरी र ३९ वर्षीय जोगेन्द्र उराव रहेका छन् ।

जुवाको खालबाट प्रहरीले १६ थान कौडा, गलैचा–१ थान, कालो कपडा–१ थान र नगद २ लाख ८५ हजार १ सय १४ रुपैयाँ समेत बरामद गरेको छ । पक्राउ परेकाहरुको सम्बन्धमा थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।