म लज्जित छु भन्दै प्रधानमन्त्री ओलीले मागे पहिलो पटक जनतासामु माफि

विषादी परिक्षण गर्ने सरकारी निर्णय फिर्ता लिँदा प्रधानमन्त्री केपी शर्मा ओलीले पहिलो पटक जनतासामु माफि माग्नु परेको छ । भारतवाट आएको पत्रका बारेमा बोलेको पत्रका विषयलाई लिएर प्रधानमन्त्री ओलीले माफि माग्नु परेको हो । सरकारले भारतवाट आयात गरिएको फलफुल र तरकारी परिक्षण गर्ने निर्णयवाट पछि हटेपछि निकै आलोचना खेप्नु परेको थियो । भारतीय दवावका कारण सरकार सो निर्णयवाट पछि हटेको भन्दै विरोध भइरहेको थियो ।

भारतिय दुतावासले परराष्ट्र मन्त्रालयलाई पत्र लेख्दै सो निर्णमा पुनर्विचार गर्न भनेको थियो । तर प्रधानमन्त्री ओलीले भारतवाट पत्र आएको कुरा इन्कार गरेका थिए । उनले इन्कार गरेपछि समाचार माध्यमहरुमा भारतिय दुतावासले परराष्ट्र मन्त्रालयलाई पठाएको पत्र नै सार्वजनिक भएपछि पहिलो पटक प्रधानमन्त्री ओलीले माफि माग्नु परेको हो । उनले विषादी प्रकरणमा आफूलाई झुक्याइएको भन्दै माफि मागेका छन् । मन्त्रालयका कर्मचारीले भारतबाट आएको पत्रका बारेमा समयमै आफुलाई जानकारी नदिएर गोप्य राख्दा आफू लज्जित हुनुपर्ने अवस्था आएको प्रधानमन्त्री ओलीले बताए ।

बिहीबार राजधानीमा आयोजित एक कार्यक्रममा प्रधानमन्त्री ओलीले भारतबाट आएको पत्रबारे आफूलाई झुक्याइए भन्दै आफु यसवाट लज्जित भएको समेत बताए । ‘भारतबाट पात्र आएको रहेछ, तर मैले आएको छैन भनेर सार्वजनिक रुपमा बोलेँ,’ उनले भने, ‘विभिन्न ठाउँमा कूटनीतिक प्रयास हुनु र मलाई जानकारी नदिनुले म लज्जित हुनुपर्‍यो । यसप्रति म क्षमाप्रार्थी छु ।’