चीनको ‘ग्रेट वाल’को झल्को दिने ‘ग्रेट टेल’ नेपालमा बन्दै

काठमाडौं २९ असार । चर्चित सुन्दर पर्यटकीय गाउँ हेलम्बुमा चीनको ‘ग्रेटवाल’को झल्को दिने गरी ६० किलोमिटर लामो हिमालयन पदमार्ग पर्खाल(ग्रेट टेल) बनिरहेको छ । हेलम्बु हिमालयन सम्पदा पदमार्ग नाम दिएर हेलम्बु गाउँपालिकाले चार महिनादेखि गाउँपालिका घेर्ने गरी महत्वकांक्षी (ग्रेट टेल) बनाइरहेको हो ।

चीनको ग्रेटवाल जस्तै आकर्षणको केन्द्र बनाएर बार्षिक लाखौं आन्तरिक तथा बाह्य पर्यटक भित्र्याउन नेपाली ग्रेटवालको संज्ञा दिएर पदमार्ग पर्खाल बनाउन थालिएको गाउँपालिका अध्यक्ष निमाग्याल्जेन लामा बताउँछन् ।