नेपाली छोरी अपेक्षाले पाइन् ८० हजार क्यानेडियन डलरको छात्रवृत्ति

काठमाडौं । नेपालकी छोरीले क्यानडामा ठुलो छात्रवृति पाएकी छिन् । एडमन्टनकी अपेक्षा खरेलले ८० हजार क्यानडियन डलरको छात्रवृत्ति पाएकी छन् । आफ्ना हजुरबुबा फणिन्द्र काफ्लेको पानी जाँच्ने प्रविधिको कामले १७ वर्षे अपेक्षालाई विज्ञान तथा प्रविधि पढ्ने इच्छा जागेको उनले बताएकी छन् ।

स्थानीय सिबिसी एड्मन्टनका अनुसार उनी यसै शरद ऋतुमा शुरू हुने कलेजका लागि तयार भएकी छन् । खरेल युनिभर्सिटी अफ अल्बर्टा जाँदैछिन् । यो छात्रवृत्ति विज्ञान, प्रविधि, इन्जिनियरिङ्ग वा गणित (स्टेम) पढ्ने क्यानडाभरमा ५० जनाले मात्र पाउँछन् । उनकी आमा नेपालमा विज्ञान शिक्षिका भएको उनले अन्तर्वार्तामा बताएकी छन् । उनी नृत्यमा रूचि राख्थिन् । नेपालमै जन्मेकी अपेक्षा १२ वर्षको हुँदा क्यानडा गएकी हुन् ।