भप्सी खोलाको पुल फेरी बाढीले बगायो , पूर्व–पश्चिम राजमार्ग अवरुद्ध

काठमाडौ । पूर्व–पश्चिम राजमार्गअन्तर्गत महोत्तरी जिल्लाको बर्दिबास नगरपालिका क्षेत्रमा रहेको भप्सी पुल बनाईएको अस्थायी डाइभर्सन समेत बाढीले बगाएपछि पूर्वपश्चिम राजमार्ग अवरुद्ध भएको छ ।

केही दिन अघि निरन्तर भएको बर्षापछि आएको बाढीले पुल बगाएपछि अस्थायी डाइभर्सनमार्फत यातायात सुरु गरिएको थियो तर आज बिहान आएको बाढीले अस्थायी डाइभर्सन पनि बगाएपछि यातायात अवरुद्ध भएको हो । अस्थायी डाइभर्सन पनि बगाएपछि यातायात अवरुद्ध हुँदा यात्रुहरु बाटैमा अलपत्र परेका छन् । राजमार्गमा सवारीको लाम लागेको छ ।

प्रहरीका अुनसार पानीको बहाव घटेपछि मात्र सवारी संचालन हुनेछ । यसैगरी बर्षाकै कारण पहिरो खसेपछि मेची राजमार्ग पनि अवरुद्ध बनेको छ । पाँचथरको फाल्गुनन्द गाउँपालिका–३ पांग्रेभिरमा पहिरो खसेपछि यातायात अवरुद्ध भएको हो ।

प्रहरीका अनुसार त्यहाँ पहिरो पन्छाउँन निकै कठिन भईरहेको छ र यसैगरी काठमाडौँ फाखेल र सिस्नेरी हुँदै हेटौँडा जाने बाटो पनि सुचारु हुन सकेको छैन । उक्त बाटो खुलाउँन अझै केही समय लाग्ने भएको छ भने हेटौडा काठमाडौँ जोड्ने कान्ति लोकपथमा पनि यातायात संचालन हुन सकेको छैन ।