गर्मी मौसममा खानैपर्ने यी ६ तरकारीहरू

गर्मी मौसममा धेरै पसिना आउने तथा आलस्य महसुस हुने भएको कारणले हामीले दैनिक खाने खाना र पिउने पानीको मात्रामा धेरै नै ध्यान दिन जरुरि देखिन्छ । धेरै स्वास्थ्य समस्या तथा फुड प्वाइजनिंग को समस्याहरु धेरै जसो यही मौसममा हुने गरेको पाइन्छ । यस मौसममा हाम्रो सानो तिनो लापरवाहीहरुको कारणले गर्दा पनि हामी छिट्टै बिरामी पर्ने सम्भावना धेरै हुने गर्छ ।

अरु विभिन्न मौसमको तुलनामा गर्मी महिनामा हाम्रो पाचन शक्ति समेत कमजोर हुने गर्छ । साथै, हाम्रो शरीर पनि अल्छि र केहि शारीरिक कम नगरी छिट्टै थाक्ने गर्छ । यस्तो बेलामा बाहिरको, तेलमा बढी तारेको चिल्लो तथा मसाला युक्त खानाको सेवनले हाम्रो शरीरमा नकारात्मक असर पुर्याउने गर्छ । आजकल धेरै रसायनहरु प्रयोग गरेर बेमौसम तरकारीहरु सजिलै बजारमा उपलब्ध भएको पाइन्छ ।

तर, हामीले यस्तो बेमौसमी तरकारीहरुको सेवन गर्नु भन्दा पनि गर्मी मौसममा पाइने रसायन नभएको तरकारीहरुको प्रयोग गर्नु पर्छ । हामीले हाम्रो स्वास्थ्यलाई निकै ध्यान दिएर हल्का, रसायन नभएको या सजिलै पच्ने खालको तरकारी खाने गर्नु पर्छ । फाइबर युक्त क्यालोरी कम हुने खानाहरुलाई हाम्रो पेटले छिट्टै पचाउन सक्छ ।

हामीले गर्मि मौसममा पाइने रसायन युक्त तरकारीले हाम्रो पेट पनि सफा रहनुका साथै हाम्रो पाचन प्रक्रियामा पनि अवरोध आउदैन । स्वादमा तीतो भएपनि छिट्टै पच्ने करेला गर्मी मौसममा स्वास्थ्यका लागि निकै लाभदायी मानिन्छ । करेलाले पाचनशक्तिलाई सक्रिय गरेर अरुचि हटाउनुका साथै भोक पनि जगाउछ । यसले रक्तचापलाई नियन्त्रणमा ल्याएर मुटुका रोगीका लागि फाइदा पुर्याउछ ।

तर, न्युनतम रक्तचाप भएको व्यक्तिहरुले करेलाको सेवन गर्नु भने हुदैन ।गर्मि मौसममा पाइने टमाटरमा प्रसस्त मात्रामा भिटामिन ए,सी, फोलेट, पोटासियम, फाइबर र सबै खालका एन्टी अक्सिडेन्ट पाइने हुदा शरीरको रोगप्रतिरोधी क्षमता मजबूत बनाउछ । गर्मी होस् वा अन्य कुनै मौसममा दिनुहँ एउटा टमाटर खाने गर्नाले हामीहरु विभिन्न खालका रोगबाट बच्न सक्छौं ।

यसले हाम्रो छालालाई चाउरि हुनुबाट रोक्नुका साथै हाम्रो शरीरमा भएको घाउचोट तथा अनुहारमा भएको दाग हटाउन मद्दत गर्छ । गर्मी मौसममा प्याज र हरियो सिमी खानु वरदान नै हो । यसलाई तरकारी वा काचै सलादका रुपमा पनि खान सकिन्छ । यसमा भिटामिन सी, बी–६ र म्याङगनिज, क्याल्सियम, आइरन, फोलेट, म्याग्नेसियम, फस्फोरस र पोटासियमका साथै मा क्वेरसेटिन नामक एन्टीअक्सिडेन्ट हुन्छ ।

प्याजले हामीलाई गर्मी मौसममा लाग्ने लू बाट बचाउछ । हरियो सिमीले शरीरको कोशिकाहरुको क्षति ठीक गरेर हाम्रो शरीरमा नयाँ कोशिका निर्माण गर्न मद्धत गर्छ । यस्तै लौका र फर्सी भनेको चिसो खालको तरकारी हुन् । यसको सेवनले गर्मि महिनामा हाम्रो शरीरलाई चिसो राखेर अल्छि भगाउन मद्दत गर्छ । क्यालोरी कम हुने भएका यी दुईलाई सजिलै पचाउन सकिन्छ ।

गर्मी मौसममा यसले पेट सफा गरेर ग्यास बन्न दिँदैंन । फाइबर पनि हुने हुनाले पेट गडबड हुने, अल्सर, पायल्स र ग्यास्ट्रिकका रोगीका लागि लाभदायी हुने गर्छ । साथै, यिनीहरुले शरीरबाट विषाक्त पदार्थलाई बाहिर निकालेर तौल कम गर्न मद्धत गर्छ । अझ फर्सीको बियाँले प्रोस्टेट क्यान्सरका बिरामीलाई निकै फाइदा पुर्याउछ ।