नेपाललाई विश्वसामु चिनाउन श्रृङ्खला खतिवडा फ्रान्सको हिमालमा फहराइन् नेपालको झण्डा

काठमाडौं। पूर्व मिस नेपाल श्रृङ्खला खतिवडा फ्रान्स र नेपालको मैत्री सम्वन्धको अवसरमा जुलाई १५ देखि फान्स भ्रमणमा छन् । भ्रमणका अवसरमा युरोपको सबै भन्दा ठुलो हिमाल समेत आरोहण गरेकी छन् । उनले हिमाल आरोहण गरेर नेपाल चिनाउने काममा महत्वपुर्ण काम गरेको भन्दै बधाई पाएकी छन् । खतिवडाले हिमाल चढेर नेपालको झण्डा समेत सफलता पूर्वक फहराएको दुतावासले जनाएको छ ।

निकै कठिनका साथ हिमाल आरोहण गरेर नेपाल र फ्रान्सको झण्डा गाढेर हिजो मात्र फर्कीएको श्रृङ्खलाकी आमा मुनु सिग्देलले बताइन् । नेपाललाई विश्वसामु चिनाउन र नेपाल भैमण वर्ष २०२० लाई सफल पार्न हिमाल आरोहण गरिएको सिग्देलको भनाई छ ।युरोप भ्रमणको डेढ महिनाको कार्यतालिका अनुसार फ्रान्समा हिमाल चढेर फकिएपछी अमेरीका जाने र युरोपका बिभीन्न देशको भ्रमण गर्ने कार्यक्रम रहेको छ । श्रृङ्खलाले सफल पूर्वक हिमाल चढेर नेपाल र फ्रान्सको झण्डा फहराउन सफल भएकोमा फ्रान्समा रहेको नेपाली दुतावासले बधाई दिएको छ । हिमाल चढेकोमा दुतावासले बिज्ञप्ती जारी गर्दै बधाई दिएको हो ।