टिकटक भिडियो बनाउन बाढीमा हाम फालेका यी युवक अब कहिल्लै फर्केर आउँने छैनन

काठमाडौं । पछिल्लो समय सामाजिक सञ्जालहरुको प्रयोग बढेसँगै विचित्र किसिमका घटनाहरु देख्न पाइएका छन् । यस्तै एउटा घटना भारतको बिहारमा भएको छ ।भारतमा एक युवकले टिकटक भिडियो बनाउनको लागि बाढीमा हामफाल्दा डुबेर ज्यान गएको छ । घटना तीन दिन पहिलेको भएपनि उनको शव बिहिबार मात्र भेटिएको छ । तीन साथीहरु मिलेर बाढी हेर्नको लागि भन्दै लाला चौर गाउँ पुगे । गाउँ पुगेका उनीहरु मोबाइलबाट तस्बिर खिच्न थाले ।

तस्बिरले मात्र चित्त नबुझेपछि उनीरु टिकटक भिडियो बनाउन थाले जसमा उनीहरु खतरनाक स्टन्ट गर्न थाले । भिडियो बनाउने क्रममा तीनमध्ये अफजल नाम गरेका युवक बाढीमा हामफाले । तर उनी बाहिर निस्कनै सकेनन् । हामफालेको लामो समयसम्म बाहिर ननिस्केपछि उनको खोजी शुरु गरियो । उनको श८व तीनदिनपछि गोताखोरको मद्दतले निकालेको थियो ।