Wednesday 17th August 2022

नक्कली पीसीआर रिपोर्ट बनाएको आरोपमा कान्तिपुर र नागरिक अस्पतालका कर्मचारीसहित बिचौलिया पक्राउ

7 months अगाडी

काठमाण्डाै – नक्कली पीसीआर रिपोर्ट बनाएको आरोपमा काठमाण्डाैकाे तीनकुनेमा रहेको कान्तिपुर अस्पताल र भक्तपुरको गठ्ठाघरमा रहेको नागरिक कम्युनिटी शिक्षण अस्पतालमा कार्यरत कर्मचारीसहित ६ जना पक्राउ परेका छन् ।

महानगरीय अपराध महाशाखाबाट खटिएको प्रहरी टोलीले उनीहरूलाई आज बुधवार पक्राउ गरेको महाशाखाका प्रवक्ता तथा प्रहरी उपरीक्षक कृष्णप्रसाद कोइरालाले जानकारी दिनुभयो । पक्राउ पर्नेहरूमा नागरिक कम्युनिटी शिक्षण अस्पतालका कर्मचारी रोशनकुमार छिट्टान, ल्याब म्यानेजर प्रशन्नकुमार झा र ल्याब सञ्चालक भावेश मिश्र रहेका छन् । यस्तै कान्तिपुर अस्पतालबाट कर्मचारी नागेन्द्रकुमार यादव, माधव मैनाली र ल्याब सञ्चालक निर्मल गिरी पक्राउ परेका छन् ।
प्रहरीले छिट्टानको साथबाट आठ थान र यादवको साथबाट १७ थान नक्कली पीसीआर रिपोर्ट पनि बरामद गरेको प्रहरी उपरीक्षक कोइरालाले जानकारी दिनुभयो । सम्बन्धित व्यक्तिको उपस्थिति र स्वाब विना नै बिचौलियाहरू आफैँले आफ्नै स्वाब सङ्कलन गरी विभिन्न व्यक्तिका नाममा ल्याबमा दिने र ल्याबले पीसीआर रिपोर्ट उपलब्ध गराउने गरेको पाइएको प्रहरीले जनाएको छ ।
बिचौलिया र ल्याबका कर्मचारी एवम् व्यवस्थापनको मिलेमतोमा विदेश जाने व्यक्तिहरूलाई पीसीआर रिपोर्ट नेगेटिभ बनाइदिने भनी प्रति व्यक्ति १० हजार रुपैयाँसम्म असुल गरेको भेटिएको महाशाखाले जनाएको छ । सम्बन्धित व्यक्तिको स्वाब नै सङ्कलन नगरि तयार पारिएका रिपोर्ट क्यूआर कोडबाट स्क्यान गरी हेर्न मिल्ने गरी बनाउने गरेको पाइएको छ । उज्यालो

          February 3, 2022 2:10 am | अपराध,स्वास्थ्य


प्रतिकृयाहरू :

समाचारहरु:

भर्खरै प्रकाशित


Loading...