काबुलमा विद्युत् आपूर्तिमा समस्या : झण्डै ६ सय कम्पनी बन्द हुने अवस्थामा

अफगानिस्तानको राजधानी काबुल सहरमा नियमित विद्युत् आपूर्ति नहुँदा झण्डै ६ सय कम्पनी बन्द हुने अवस्थामा पुगेका छन् ।

विद्युत् आपूर्तिको समस्या खेप्दै आएका ५ सय ८०  वटा भन्दा धेरै उद्योगको नियमित उत्पादन बन्द हुने अवस्था देखिएको हो ।

अफगानिस्तानको उद्योग तथा खानी विभागका अनुसार उद्योग नियमित सञ्चालन हुन नसक्दा झण्डै चार हजार ५ सय कामदारले रोजगारी गुमाउने भएका छन् ।

सन् २०२१ को नोभेम्बरमा अफगान राष्ट्रिय ऊर्जा कम्पनीले अफगानिस्तानलाई ८ सय ५० मेगावाट विद्युत् आवश्यक रहेको उल्लेख गरेको थियो । तर छिमेकी देशबाट विद्युतको आयात घटेपछि सहज आपूर्ति हुन नसकेको समाचार संस्था एएनआईले जनाएको छ । उउज्यालो