प्रेम र पर्वको फ्युजन् ‘निरेम सांगीतिक उत्सव’ फ्रेब्रुअरी २१ मा

सुरेश बुढाथोकी / कुवेत

निरेम प्रोडक्सनले सन् २०२५ को ‘भ्यालेण्टाईन डे’ अर्थात प्रणय दिवस तथा स्थानीय पर्व ‘हाला फेब’ को अवसर पारेर ‘निरेम म्युजिक फेस्ट’आयोजना गर्ने भएको छ । मुख्यत : युवा तन्नेरीहरूले फेब्रुअरी दोस्रो साताभरी मनाउँने प्रणय दिवसमा यसपाली निरेमले ‘टिनएज’ नेपाली समूदायलाई लक्षित गर्दै प्रणय उत्सव लक्षित सांगीतिक उत्सव गर्न लागको हो । पूर्वघोषित मिति अनुशार फेब्रुवरी १४ तारिक हुने भनिएको उक्त उत्सव प्राविधक कारणले गर्दा एकसातापछी अर्थात फ्रेब्रुअरी २१ मा जिलिवस्थित एस्पायर स्कुलमा हुने निरेमले जनाएको हो । कुवेतमा साताब्यापी रुपमा मनाईने स्थानीय उत्सवको पर्व ‘हाला फ्रेब्रुअरी’ लाई समेत समेट्नेगरी यो सांगीतिक उत्सव गर्न लागिएको निरेम सांगीतिक उत्सव २०२५ का संयोजक सुरेन्द्र लिम्बुल बताए । उनका अनुशार कार्यक्रमको तयारी तिब्र रुपमा भैरहेको छ भने सो सांगीतिक प्रस्तुतीका लागी नेपालबाट आउने कलाकारहरुको नामावली टुंग्निने प्रकृयामा छ । कलाकार र कार्यक्रमको पोस्टर छिट्टै सार्वजनिक गरिने संयोजक लिम्बुले बताए ।
उक्त उत्सवमा नेपाली सांगीतिक समूहकको प्रस्तुति रहने छ भने साथमा बिभिन्न प्रेमिल सांगित र साहित्यिक प्रस्तुति हुनेछ । नेपाली श्रमगन्तव्य मध्यको प्रमुख मानिने कुवेतमा युवा श्रमिकको संख्या पनि उल्लेख्य भएका कारण प्रणय सम्बन्धित कार्यक्रम आयोजना गर्न लागिएको आयोजक निरेमको दावि छ ।
बहुसंख्यक मुस्लिम समुदायको बाहुल्य रहेको कुवेतमा नेपाली श्रमीकहरुलाई कामको अलावा मनोरञ्जन गर्ने साधन र स्थानको सिमितता रहेको अवस्थामा यो कार्यक्रमले थोरै भएपनि ‘फ्रेस’ बनाउँने आयोजकको भनाई छ । बिशेषगरी रोम समुदाय र संस्कृतिबाट सुरु भएको भ्यालेण्टाईन डे बिस्तारै मध्यपूर्व र एसिया हुँदै नेपाल र नेपाली समुदायकाबिच पनि लोकप्रिय हुँदै जानथालेको छ । सेन्ट भ्यालेण्टाईनको प्रेम प्रसङ्गको सम्झनामा मनाउँन सुरु भएको भ्यालेण्टाईन डे युवा युवतीले बिशेष प्रेम पर्वको मनाउँने गर्दछन् । त्यस्तै, कुवेतका स्थानीयहरु फ्रेब्रुअरी महिना भरिलाई हाला फेबको रुपमा पनि मनाउँने गर्दछन् । फ्रेबुअरी महिनाभर कुवेतको झण्डा फहराई कुवेत सहित अरबको बिभिन्न सांस्कृतिक झाँकिहरु प्रदर्शन गर्ने, पानीको फोहरा हानेर रमाईलो गर्ने जस्ता गतिबिधिहरु गरिन्छ । आयोजक निरेमले आसन्न सांगीतिक उत्सबमा उपस्थित भएर भब्य रुपमा सम्पन्न गर्नको लागी कुवेतस्थित दूतावास, संघसंस्थाका प्रमुख तथा प्रतिनिधि , संचारकर्मी लगायत सबै श्रमिक तथा नेपाली समुदायलाई अपिल गरेको छ ।

निरेम ग्रुप अफ कम्पनीअन्तर्गत सञ्चालित निरेम प्रोडक्सन ले खासगरी विगत नौ वर्षदेखि कुवेतमा परोपकारी पत्रकारिता र मल्टिमिडिया क्षेत्रमा योगदान पुर्‍याउँदै आएको छ । साथै, नेपाली कला साहित्य , संस्कृति र प्रतिभा प्रबर्द्धनमा क्रियाशील यस प्रोडक्सनले ‘निरेम सांगितिक उत्सव २०२५’ लाई स्मरणीय र ऐतिहासिक बनाउन आवाश्यक सबै तयारी पूरा गरिरहेको छ ।