एकदिवसीय शृङ्खलाको पहिलो खेलमा दक्षिण अफ्रिकाले अस्ट्रेलियालाई हरायो

काठमाण्डौ – दक्षिण अफ्रिकाले तीन खेलको एकदिवसीय शृङ्खलाको पहिलो खेलमा अस्ट्रेलियालाई हराएको छ । गएराति भएको खेलमा दक्षिण अफ्रिकाले अस्ट्रेलियालाई ९८ रनले हरायो । दक्षिण अफ्रिकाले दिएको दुई सय ९७ रनको लक्ष्य पछ्याएको अस्ट्रेलिया ४० ओभर पाँच बलमा एक सय ९८ रनमा अलआउट भयो ।

अस्ट्रेलियाका कप्तान मिचेल मार्शले ८८ र बेन द्वारशुइसले ३३ रन बनाए । दक्षिण अफ्रिकाका केशव महाराजले पाँच विकेट लिए । यस्तै नान्द्रे बर्गर र लुङ्गी न्गिडीले समान दुई तथा प्रेनेलन सुब्रायेनले एक विकेट लिए ।

त्यसअघि केर्न्समा टस हारेर ब्याटिङ गरेको दक्षिण अफ्रिकाले आठ विकेट गुमाएर एक सय ९८ रन बनायो । दक्षिण अफ्रिकाका एडेन मार्करामले ८२ रन बनाए । यस्तै कप्तान टेम्बा बाभुमाले ६५ र म्याथ्यू ब्रेट्जके ५७ रन बनाए । अस्ट्रेलियाले ट्राभिस हेडले चार, बेन द्वारशुस दुई र एडम जाम्पाले एक विकेट लिए । एकदिवसीय शृङ्खलाअन्तर्गत दोश्रो खेल पर्सि शुक्रवार हुनेछ ।  उज्यालो