पशुपतिनाथ मन्दिरमा बार्षिक कति भेटी उठ्छ ? बाहिरियो तथ्य

काठमाडौ । पर्यटन नेपालको आर्थिक विकासको मेरुदण्ड नैं हो भन्दा हुन्छ । नेपाल प्राकृतिक रुपमा सम्पन्न छ नेपालको धार्मिक,साँस्कृतिक लगायतका विभिन्न कुराहरु छन जसले पर्यटकलाई नेपाल आउँन प्ररित गर्छन । नेपालको आर्थिक विकासमा नेपालमा रहेका विभिन्न धार्मिक स्थानहरुले महत्वपुर्ण भुमिका राख्छन । तिनैं मध्यको एक महत्वपुर्ण स्थान पशुपतिनाथले पछिल्लो सात बर्षमा ६८ करोड २० लाख रुपैयाँ भेटी प्राप्त गरेको छ ।

पशुपति क्षेत्र विकास कोषले गत आर्थिक बर्षको असार मसान्तसम्म प्राप्त हुन आएको भेटीका आधारमा यो तथ्य सार्वजनिक गरेको हो । कोषका उपनिर्देशक प्रेमहरि ढुंगानाले पशुपतिनाथलाई सरदर वार्षिक १३ करोड रुपैयाँको हाराहारीमा भेटी प्राप्त भइरहेको जानकारी दिए । आजको गोरखापत्र दैनिकमा खबर छ ।