निर्मला पन्त हत्या प्रकरण : प्रधानमन्त्री निवास बालुवाटार अगाडि धर्ना र प्रदर्शन

काठमाडौं, २६ असोज । बलात्कारपछि हत्या गरिएकी कञ्चनपुरकी १३ वर्षीया बालिका निर्मला पन्तका हत्यारालाई कारवाही गर्न दबाब दिने उद्देश्यले विभिन्न मानव अधिकारवादी संघ–संगठनले काठमाडौंमा प्रदर्शन गरेका छन् ।

उनीहरुले आज प्रधानमन्त्रीको सरकारी निवास बालुवाटार अगाडि धर्ना र प्रदर्शन गरेका हुन् । प्रदर्शनकारीहरुले बलात्कारी र हत्यारालाई जोगाएर सरकारले कानूनी शासनको खिल्ली उडाएको आरोपसमेत लगाए । उनीहरुले सरकारले सत्यतथ्य पत्ता लगाई दोषीलाई कारवाही नगरे कडा आन्दोलन गर्ने चेतावनीसमेत दिएका छन् ।