हजुरबासँग मेला हेर्न गएका बालकको अपहरण, बाबुसँग फिरौती रकम मागी हत्या

बारा, २८ असोज । बाराको सिम्रौनगढ–३ का एक ५ वर्षीय बालकको अपहरणपछि हत्या भएको छ । असोज २४ बेलुकी देखि हराएका नयका टोल बस्ने धनेश्वर राय यादवका ५ वर्षीय गोलु भन्ने दीपक यादवको अपहरणपछि हत्या भएको हो ।

गएराति बालकको शव गाउँ नजिकैको फेला परेको थियो । अपहरणको आरोपमा प्रहरीले सोही ठाउँ बस्ने श्याम बैठा धोबी र हरिन्द्र महतो गरी स्थानीय दुई युवकलाई पक्राउ गरेको छ ।

थप अनुसन्धान जारी रहेको जिल्ला प्रहरी कार्यालय बाराले जनाएको छ । बालक दीपक असोज २४ गते नजिकैको रनीवासमा हजुरबुबासँग मेला हेर्न गएका थिए । अपहरणकारीले बालकका बुबा धनेश्वरसँग १० लाख फिरौती माग गरेकाु बुझिएको छ ।