काभ्रेमा जिप दुर्घटना हुँदा डिआइजी शुसील भण्डारी सहित ४ जनाको मृत्यु

काभ्रे ,काभ्रेमा भएका छुट्टाछुट्टै सवारी दुर्घटनामा परी चार जनाको ज्यान गएको छ भने ५ जना घाईते भएका छन्। मण्डन देउपुर नगरपालिकास्थित ढकाल थोकमा बा ३ च २८७ नम्बरको जिप पल्टिदा ३ जनाको ज्यान गएको छ भने पाँचखाल नगरपालिकाको तिनपीपलेमा भएको अर्को सवारी दुर्घटनामा एकजनाको मृत्यु भएको हो।

जिप दुर्घटनामा मण्डन देउपुर ४ का पत्रकार जीवन पराजुली र नेपाल ट्रेड युनियन प्रदेश नम्बर ३ का अध्यक्ष विनोद कार्की र पूर्व डिआइजी शुसील भण्डारी रहेको प्रहरीले जनाएको छ।

जिप दुर्घटनामा परी घाइते ५ जनाको धुलिखेल अस्पताल उपचार भइरहेको छ। त्यसैगरी आइतबारै पाचँखाल तिनपीपलेमा धुखिलेलबाट पाँचखालतर्फ जाँदै गरेको बा ३ क ६४२ नम्बरको टिपरले मोटरसाइकललाई ठक्कर दिँदा मोटरसाइकलमा सवार सोही स्थानकी ५६ वर्षीय रञ्जना गौतमको मृत्यु भएको छ।