अरुण तेस्रोको सुरुङ खन्ने क्रममा शुक्रबारदेखि वेपत्ता ४ जनाको जिवितै उद्धार

संखुवासभा । अरुण तेस्रो जलविद्युत् आयोजनाको सुरुङ खन्ने क्रममा शुक्रबारदेखि वेपत्ता ४ जनाको सकुशल उद्धार गरिएको छ। उद्धार हुनेमा कालीकोट सिउना गाउँपालिका–४ का प्रदिप शाही, जुम्ला चन्द्रनाथ नगरपालिका-१ का प्रेम परियार तथा भारत झारखण्डका बुधन मुण्डा र भारत विहारका नन्द किशोर रहेको जिल्ला प्रहरी कार्यालय संखुवासभाले जनाएको छ।

घाइते बनेका ४ जनाको अवस्था सामान्य रहेको जनाइएको छ। उनीहरुलाई उपचारका लागि शंकुवासभाको खाँदबारी लैजाने तयारी गरिको प्रहरीले जनाएको छ। शंकुवासभास्थित नुमको फ्याक्सिन्दामा निर्माणाधीन अरुण तेस्रोको सुरुङ खन्ने क्रममा शुक्रबार राति पौने ९ बजे ढिस्को झरेर ४ जना वेपत्ता भएका थिए। घटनास्थलमा उद्धारका लागि प्रहरी, सशस्त्र प्रहरी र स्थानीय खटिएका थिए।