भारतलाई पछि पार्दै चीनले यस्तो बनाउँदैंछ कर्णाली ! हवाई क्षेत्रमा पनि सहयोग गर्ने

काठमाडौँ । चीन नेपालको पुरानो साझेदार राष्ट्र हो । चीनले नेपालमा विभिन्न क्षेत्रहरुमा लगानी गरेको छ । भौतिक निर्माण देखि धेरैं कुराहरुमा चिनियाँ सहयोग नेपालका लागि अतुलनिय रहेको छ । नेपालमा भारतले पनि लगानी बढाईरहेको छ । भारतले नेपालको जलविद्युत क्षेत्रमा विशेष चासो दिने गरेको छ भने चीन नेपालको यातायात क्षेत्रमा लगानी खोजिरहेको छ । चीनले हिल्सा–जमुनाह द्रुतमार्ग निर्माणका लागि सम्भाव्यता अध्ययन थालको छ ।

चिनियाँ सीमा छुने हुम्लाको हिल्सा र भारतीय सीमावर्ती क्षेत्र बाँकेको जमुनाह जोड्ने ५३० किमि सडक बनाउन चाइना रेलवे इरवान इन्जिनियरिङ कम्पनीको प्राविधिक टोलीले मंगलबार हवाई सर्वेक्षण गरेको छ । टोलीमा १३ सदस्य छन् । चीन सरकारले द्रुतमार्गका साथै कर्णालीको हवाई क्षेत्रमा पनि सघाउने आश्वासन दिएको छ । गत असोजमा चिनियाँ सरकारको स्वामित्वमा रहेको नर्थवेस्ट सिभिल एभिएसनले सम्भाव्यता छलफल गरेर फर्केको थियो ।

गएको नाकाबन्दीपश्चात नेपाल र भारतका बिचमा केही चिसोपना देखिएको थियो । भारतीय सीमाक्षेत्रमा नाकाबन्दी देखिएपछि तत्कालीन केपी शर्मा ओली नेतृत्वको सरकारले चीनसँग महत्वपुर्ण सम्झौंता गरेर भारतलाई झस्काएको थियो । अहिले नेपालमा ओली नेतृत्वको सरकार रहिरहेको अवस्थामा नेपालमा भारतको भन्दा चीनको प्रभाव बलियो बन्दैं जाने खत्तरा रहेको विश्लेषण हुन थालेको छ ।