मृतक र घाइतेको विवरण सहित,दैलेखमा जीप दुर्घटना ४ जनाको मृत्यु, ४ जना गम्भीर घाइते

दैलेख । दैलेखको ठाँटिकाँध गाउँपालिकाको सुइयाँमा बुधबार बिहान भएको जीप दुर्घटनामा ज्यान गुमाउनेको संख्या ४ पुगेको छ । घटनामा जीप चालकसहित ४ जनाको मृत्यु भएको जिल्ला प्रहरी कार्यालय दैलेखका डिएसपी ठाकुर पोखरेलले डीसी नेपाललाई जानकारी दिए  ।प्रहरीका अनुसार मृत्यु हुनेहरुमा ठाँटिकाँध १ का ४५ वर्षीय राजेन्द्र शाही, ठाँटिकाँध ३ कै २४ वर्षीय निर्मल बम,  ठाँटिकाँध २ का जीप चालक ३० वर्षीय रमेश शाहीको मृत्यु भएको छ ।

यस्तै घटनामा अन्य ४ जना पनि गम्भीर घाइते भएको डिएसपी पोखरेलले जानकारी दिए । उनले भने, ‘अरु जना पनि सिकिस्त छन्, उनीहरुलाई उपचारका लागि सुर्खेत लगिएको छ ।’ घाइते हुनेहरुमा ठाँटिकाँध १ का २८ वर्षीय शम्शेर  बम, ठाँटिकाँध ४ का ३६ वर्षीय दिलिप शाही, २८ वर्षीया मनिषा शाही, र ३० वर्षीय जुद्ध सुजी घाइते भएका छन् ।

सुर्खेतबाट ठाँटिकाँधका लागि छुटेको भे १ च २२०७ नम्बरको बलेरो जीप सुइयाँमा दुर्घटनाग्रस्त भएको थियो । जीप सडकबाट करिब ४० मिटर तल खसेको डिएसपी पोखरेलले जानकारी दिए ।