वाइडवडी उडानमा नागरिक उड्डयन प्राधिकरणकै असहयोग

नेपाल वायुसेवा निगमले खरिद गरेको वाइड बडीबाट दक्षिण कोरिया उडान गर्ने योजनामा नियामक निकाय नागरिक उड्डयन प्राधिकरण नै बाधक बनेको छ। प्राधिकरणले सहयोग नगर्दा कोरिया उडान अनुमति झनै ढिला हुने देखिएको छ।

कोरियाली कम्पनीले निगमको ‘सेफ्टी अडिट’ गरेरमात्र उडान अनुमति दिने भने पनि प्राधिकरणको असहयोगका कारण हालसम्म पनि अडिट हुन नसकेको हो। निगमले कोरियासहित जापान, चीन लगायतका मुलुकमा उडानका लागि खरिद गरेको दुईथान एयरवस ३३० वाइडवडी सिरिजका जहाज अहिले पूर्ण क्षमतामा उडान गर्न सकेको छैन।